返回列表 發帖

領X醫藥 唔好買療程

本帖最後由 hin402 於 2013-7-6 11:03 編輯

6月係領X睇針灸 接待處個小姐話不如買療程度10送1共$1800 因為本身醫師話都要做10次先見效 所以就一次過買了買10次
就會有一張咭記錄做過幾多次  上星期去做完針灸後見接待處多人所以冇同接待處講就走了 因為之前都俾晒錢啦隊所以就走
接著就打電來話我冇俾佢在張咭減一次 我就同佢講好似唔見了張咭 但我會再找下 到今日領健再打來問我找到張咭未來我話找唔到
領健話我要補$100手續費先可以補返張咭 我問電腦冇記錄我睇左幾多次咩 領健話要人手幫我找所以點都要俾$100先可以
我話我點都要俾啦唔係未冇左之後未針個些療程  領健話佢有寫明話唔見了張咭要俾$100 我仲以為寫左係張咭到
原來是寫在買10送1的傳單上面 我都冇睇過張傳單 係個職員話俾我知個優惠 好彩我找返張咭 個職員態度唔好同個日我俾$1800係兩個樣
仲話我上次冇張咭佢減 當我冇俾錢 激死 不過個醫師真係幾好 都有效果 係間診所唔好 所以都係聽政府講唔好買療程   唉 都係自己冇問清想條款
不過好就是睇清楚這間診所做生意手法

哈哈,我果日都等緊睇醫生,見到你你一支箭咁走左,人地都無法子做記錄。我地有人問個小姐點搞,個小姐自己俾佐$180元落去先填翻條數,仲笑住口同我地講"我唔怕佢走ge,佢係熟客來ga,好好ga,呢個阿妹"。我當時聽到都感得呢間真係算係少有的良心的藥房。我都有買套票呀,事實係便D喔。
依家先知,原來個小姐係做中藥美容的,佢地推出99蚊試做,我都有怕佢會好似其他美容院咁放皮勞炸彈,所以無去,不過,隔離屋個阿太去過,佢話無hard sale,效果和手勢都好好,真係用中藥粉,比佢自己到外面做四五佰蚊的還好,於是俾tips佢,佢都無要。這已成為我地呢層樓的佳話。於是我都book佐做la。
不過,呢間野最好開埋早上la,咁遲先開,有時想買野買唔到。
愛貓咪

TOP

我之前係俾哂所有錢 我唔明點解佢自己要填返條數  我俾晒錢真係一D記錄都無  我一去到已經登左啦 做完又要登記 我就係想方便俾哂錢 唔想次次等俾錢 個個時間又多人買野我唔想等 做完都快10點  
我不滿係佢係電話嘅語氣 好似當我係賊 睇完療程無俾錢 無左張咭又話要100蚊
我係診所返工 我明白服務行業 可能剛剛開無幾耐 流程做得唔係好好  
我都無咩心機再去做 但係又俾哂錢 T-T 呢個都係我個人睇法 係我唔好唔見左張咭先 唉••••
服務行業 語氣 同客人說話 真係有技巧
希望之後佢會係張咭印上 如不見咭手續費100蚊

TOP

咁你都話個醫師好好,效果唔錯,咁就要堅持啦!
我都覺得效果唔錯,介紹佐兩個朋友來睇,佢地都覺得效果好好,所以我會堅持ga。
我買佐第二套la,無辦法,套票真係便D
多謝你提醒,我會好好保管套要卡,都會同d朋友講下,叫佢地好好保管。
星期日試做美容,做完再同大家分享啦!
愛貓咪

TOP

放暑假真係好忙,忘記同大家分享,真係唔好意思。
美容效果真不錯,係純的中藥粉,特別著重皮膚的深層清潔,估唔到中藥都有呢個效果,做完之後買了套票,做佐兩次,由於放暑假太忙,無去做了,等開學再做翻。試做價真係好便,無Hard sale, 值得一試。
愛貓咪

TOP

返回列表