返回列表 發帖

滴水

3 座J 中高層廳冷氣位....有水滴落泥......己投訴lu...

1座向平台公園方向都有,
好多時由公園走向Lift Lobby都會中招,
不過目標眾多,都唔知點投訴……

TOP

1座向平台公園方向都有,
好多時由公園走向Lift Lobby都會中招,
不過目標眾多,都唔知點投訴……
vwvw 發表於 2009-8-31 09:37


咁大家下次得閒路過..
抬高頭數一數層數..
再通知管理處影埋相 ~

TOP

1# melome

請問有冇改善?

TOP

今年夏天發覺冷氣滴水情況日催嚴重, 兩年已經咁多, 再耐D真係唔知點控制?

TOP

2座B室中層客廳方向冷氣位亦有冷氣機滴水, 反彈下層冷氣機發出滴答聲響不斷,討厭!

TOP

冷氣機應該要定期檢查,看看有否滴水滋擾他人。

如果你居住的大廈發現有冷氣機滴水滋擾,可向大廈管理處、大廈業主立案法團或互助委員會尋求協助,找出滴水的來源,並要求有關業主改善,亦可致電食物環境衛生署投訴。

法例規定,任由冷氣機滴水滋擾他人乃屬違法,一經定罪,最高罰款為一萬元,另加每日罰款二百元。


查詢電話: 2868 0000
食物環境衛生署

TOP

本帖最後由 dillei 於 2010-2-26 00:02 編輯

冷氣機滴水問題係一個家居非常頭痛既問題,事關:

1.追查冷氣機滴水單位需時好耐.(要睇下幫你處理投訴果位管理員既經驗!)

2.通常開冷氣機時間會比較係入夜時份,一般大廈既管理公司都因為時間關係,以免影響其他住客,所以好難跟進有關情況!

3.一般管理公司處理冷氣機滴水問題都係: (i) 會派管理員到你個單位檢查樓上樓層冷氣機位, (ii) 當確定到單位之後,通常會即時勸喻單位事主盡快維修,但事主唔一定即時搵人修理,所以通常都會比7日作為勸喻限期,如仍未維修,管理公司會發信作出通知事主盡快維修,通常管理公司仍會以勸喻形式要求事主盡快處理, (iii) 如超過一定期限;要睇管理公司跟進事件既情況而定.管理公司會再發出一封警告信要求事主盡快處理問題,並會致電食環署要求跟進事件,通常如食環署派人到場了解情況要大約10個工作天,但係有一個問題係話當食環署職員到場後,該職員只會睇佢當時到場既情況,如果有關事件既單位冇開冷氣既話,佢地就無辦法跟進!

以上係一般大廈管理處處理冷氣機滴水問題既情況!

我比你既建議係:

1.如發現樓上冷氣機開始滴水,即時致電其大廈管理處派人到場處理.

2.如果事發時屬於深夜,而管理處唔方便或冇法處理,可要求管理處致電報警備案!

3.你要不斷同管理處聯絡盡快幫你查出有問題單位及盡快解決問題!並要求管理處將事件盡快交比食環署跟進!

4.如果情況未有改善,可向你地既區議員反映!

5.由於冷氣機滴水問題係一個可能要比較長時間先可以解決到既問題,所以治標方法係你可以係自己部冷氣機頂加一塊厚D既膠毯,減低滴水所發出既聲音,同保護自己部冷氣機以免內部生锈.

來源 : 網上轉載

TOP

以前住既地方, 有管理處收到投訴上樓check & 要求修理

TOP

今日幾經聯絡下,管理處終於有人黎睇. 仲要在我指導下佢地先見到上方冷氣機滴水情形. 其實係上層方向有不止一部冷氣機滴水!管理處職員上到有關單位(當時開了冷氣的)竟然按其門鐘都唔開門(因為之前派了有關提示通告給有關單位)!!! 離譜.
老實講管理處一般都會轉介食環署跟進, 一般都糾纏很久. 唔理得咁多, 最好似乎會報警.

2座中高層住戶客廳冷氣機滴水問題幾嚴重! 真係唔明白, 滴水滴到打鼓咁聲, 其他單位的住客竟然聽唔到......

這裡的住客一向都很特別, 見過公園處老人家吐痰,小孩便溺,入升降機人人唔按關門, 到地下大家奔跑搶位排隊搭小巴..... 太多了, 唔通真係此地不宜久留? 居屋被人標籤化,不無道理!

TOP

返回列表