返回列表 發帖

又有新既宣傳單張...

本帖最後由 Chuen 於 2011-10-8 15:57 編輯

雖然內容全部都係D 你講我就要信既題目...全無證據可言...不過姑且一個個POINT 睇下...睇下有冇邊樣係堅料?

嘉峰臺同東旭苑係同期?
http://www.housingauthority.gov.hk/b5/interactivemap/court/0,,3-347-17_5719,00.html
東旭苑

2001 開村出售 至今營運超過10年

http://www.housingauthority.gov.hk/hdw/b5/residential/hos07/phase2/rs_resaleflatsinformation.html
閂閘前房處回購139個單位 及1個示範單位個 於重售居屋第二期發售..沒有任何一個係全新的單位, 139個單位於第二期成功出售

1個單位期後於第3期出售

回購期間房處有支付所有管理費

可見內文話係同期係100% 誤導喺哩方面冇乜認識既街坊

至今我仍未搵到, 東旭苑既財務報告表..

嘉峰臺應該有2000萬淨先岩??
內文提及..嘉峰臺有5座40層每層11戶...總數2200 戶....

實際上哩..每層10戶..A-K單位 1,2座得36層. 3座39層, 4,5座46層 總數2010戶...(由此可始內文數字真實性有多少)

內文又提及嘉峰臺5年收左7000萬管理費喎!!

我又用我既方法計下先
第一假設 2010戶, 戶戶係交600蚊管理費,的確有7000萬, 但經我"比較"實際計算5年既數入如下
跟每呎管理費0.8 計算..ABCFGH (69X呎) 交約560 元管理費
DJ (56X呎) 交約460元管理費
EK (49X-50X呎)交約400 元管理費

約5000元一層 X (1座36層 + 2座36層+3座39層+4座46層+5座46層) = 1015000 (話明約數..咁睇睇實際晌報表上顯示係999336 <99萬9千3百36>都叫吻合丫..)
經過5年先得約6千萬既淨收入未計支出..如果要淨返二千萬, 每月只可以駛費66萬(未計其他維修保養/加添器材等), FOR REF, 淨住宅公家電費每月就達到15萬左右保安服務又20萬左右(約10個HEADCOUNT 未計座頭果D 保安..)…晌未計及經理人酬金前..基本駛費已經約80多萬. 5年基本駛費已經係5千萬, 1000萬5年既維修錢..加器材等…垃圾野…一年先駛200萬左右搞呢D野..

OK COMPARE 東旭苑, 東旭苑係康和式沒有平台設計保安人手較少5座咪10個囉.. 冇其他保安需要喇..基本上個屋苑係OPEN 的..駛費有差別好正常丫...

斜坡維修要上億元?!嘩咪搞到好窮?!

我記得早年我地問過維修幾錢的…好似只係每年幾萬至幾十萬..有冇人記得..? OK 當我唔知喇好未? 我就當果1000萬淨返淨係全部用晒做斜坡維修..都要50年先要上億喎(留意係全部用晒落去先要50年...當中仲有好多其他錢係需要駛的), 老吹唔好吹咁大喎!

電梯一部要二千至三千萬? 戶戶要比35萬?

內文又提到全屋苑有25部LIFT 4X5 + 5 ...實際上1,2座3部3,4,5座4部 +平台5部= 23部 (有時老作D 謠言出來都要搵下料先好作, 有埋PROVE 就更加好啦)

二三千萬一部電梯? XDDDDD 以我所知睇負載力同牌子唔同…點都唔駛二千萬咁貴掛, FYI 一部33層5-6LOADING 既約100萬左右啦…我地屋苑樓層既LIFT 係8-10人LOADING 的..比個DOUBLE 都係200萬...講大成十倍喎!

外牆業權只係由5% 商場車場話事? 5% 一句說話就要我地嘔4億出來? 嘩好驚呀!

外牆業權..唔係好似內文咁講係管理處/大業主….而係跟公契份權分權, 管理處只係代為管理維修….所以該例子全無根據 , 住宅都有95% 業權囉~ 5個% 出咩聲?XD

貓梯工程費最貴係棚工?

工程最貴點會係棚工呀………….設計/入則/工程師CONSULTANT 唔駛錢呀?XD


歡迎有錯指正,但請同時提供PROVE

回復 1# hin402

點解要在哩個時候黎誇大條數?

TOP

得到前發展商恆X負責大廈風火水電工程規劃的朋友證實

二千萬係講緊一楝30 層左右全套風火水電設施新建費用................

電梯由零開始都唔會超過二百萬..(高速LIFT 50層或以上), 仲有呢位朋友提到.就算整部LIFT 換.......都有部份野係換唔到既因為已經同大廈容為一體...........可以換既換晒頂龍都係70-80萬....................

TOP

回復 3# hin402

傳單製作人昨天現身說法,但係完全冇修正錯誤的數字,繼續發放可能導致街坊誤解的訊息

TOP

回復 4# Chuen

叫佢上來睇下..有邊個POINT 係錯架囉..

TOP

提示: 該帖被管理員或版主屏蔽

TOP

回復 6# STH2008

對唔住,本討論區網主唔容許會員討論立案法團或業委會
請check pm, Thanks

TOP

返回列表